Архангай аймгийн биеийн тамир спортын газар, Аймгийннийтийн номын сан, Соёл урлаг аялал жуулчлал залуучуудын газар, Аймгийн музей, Хөгжимт драмын театр хамтарсан нээлтийн үйл ажиллагаа Архангай аймгийн БТСГ-ын спорт зааланд болж өндөрлөлөө. Нээлтэнд аймгийн ИТХ-ын дарга П.Гомбодорж, СУАЖЗГ-ын дарга Н.Сэр-Од, , БТСГ-ын дарга Р.Батболд нар оролцон үг хэлж, нийт тамирчид, оролцогчид, үзэгчдэд сарын аяны талаар танилцуулга хийлээ.
Нээлтийн үйл ажиллагаанд Архангай аймагт үйл ажиллагаа явуулдаг спортын 27 холбоо, спортын клубүүд, дасгалжуулагчид баг тамирчид оролцож спортын хэрэглэх материал, техник хэрэгслийн үзэсгэлэн гаргаж, үйл ажиллагааны танилцуулгаа хийсэн юм. Спортын үйлдвэрлэл болон худалдаа эрхлэгч хувь хүн байгууллагууд оролцон бараа бүтээгдэхүүнээ сурталчилсан бол шинэ тутам хөгжиж буй спортын танилцуулга, 9 спорт холбоо, 3 клубын 130 орчим тамирчид, хичээллэгсэд спортын үзүүлэх тоглолтыг үзүүлж сонирхууллаа.
Аяны нээлтийн үйл ажиллгаанд 400 орчим хүн оролцсон бөгөөд спортын бараа бүтээгдэхүүний худалдан авалт хийж, спортын экспо, аймгийн музейн үзмэрүүдээс үзэж сонирхсон юм.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.